https://onlinetestpad.com/q4ogfvgyslvsq 

Бу сыылканан киирэн Комсомол күнүгэр аналлаах викторинаҕа кытын smile

       Саха өрөспүүбүлүкэтигэр Ийэ сылыгар, Ийэ күнүгэр аналлаах “Ийэбэр, эйиэхэ...” Ийэ туһунан хоһоон айыытыгар күрэх биллэриллэр. Күрэх алтынньы ый 18-21 күннэригэр куйаар ситиминэн ыытыллар. Күрэххэ сааһыттан тутулуга суох ким баҕалаах кыттар.

Сүрүн ирдэбил:

-айымньы тиэмэтин, ис хоһоонун арыйыы;

- хоһоон сахалыы, нууччалыы тылынан суруллар;

-кыттааччы аатын-суолун, айымньытын аатын толору суруйар.

Үлэҕитин 89245690522 тел. нүөмэригэр алтынньы 21 күнүгэр диэри ыытаҕыт. Кыайыылаахтарга, кыттааччыларга туоһу суруктар, сэмэй бириистэр туттарыллыахтара

Алтынньы 16 күнүгэр Арассыыйаҕа Аҕа күнэ, Саха өрөспүүбүлүкэтигэр Ийэ күнэ бэлиэтэнэр. Бу үөрүүлээх күнүнэн өрөспүүбүлүкэбит күн-күбэй ийэлэрин, эйэҕэс эбээлэрин, амарах аҕаларын, элэккэй эһээлэрин ис сүрэхпититтэн эҕэрдэлээн туран, Ийэ, Аҕа күннэригэр аналлаах "Күн күбэй ийэлэрбит, амарах аҕаларбыт" куйаар ситимин нөҥүө ыытыллар викторинаҕа бу сигэнэн киирэн көхтөөх кыттыыны ыларгытыгар ыҥырабыт:

https://onlinetestpad.com/ej7gauriqht6q

Учуутал күнэ - үөрэхтээһин эйгэтигэр үлэлиир дьон идэлээх бырааһынньыктара. Сылын ахсын алтынньы 5 күнүгэр 100-тэн тахса судаарыстыба Учуутал күнүн бэлиэтиир. Махтанабыт учуутал үтүө санаатыгар, талан ылбыт бэриниилээх идэтигэр. Ытыктабыллаах учууталлар, иитээччилэр, үөрэх тэрилтэлэрин үлэһиттэрэ, педагогическай үлэ бэтэрээннэрэ! Эһигини барыгытын бэлиэ бырааһынньыгынан - Учуутал күнүнэн ис сүрэхтэн эҕэрдэлиибит. Эһиэхэ ис сүрэхтэн айар үлэҕитигэр үрдүк ситиһиилэри, кытаанах доруобуйаны, этэҥҥэ буолууну, дьолу-саргыны баҕарабыт. Үтүө үлэҕит түмүгэ - оҕо-аймах махталлаах мичээрэ олоххут устун арыаллыы сырыттын!

Учуутал күнүгэр аналлаах "Махтал эйиэхэ, учуутал" куйаар ситимин нөҥүө ыытыллар викторинаҕа бу сыылканан киирэн көхтөөх кыттыыны ыларгытыгар ыҥырабыт: https://onlinetestpad.com/wrvzpygcni2nw