Кулун тутар 4 күнүгэр  Хоноҕордооҕу "Түһүлгэ" СК, Cуоттутааҕы “Мичээр” СК тэрийиилэринэн нэһилиэккэ үбүлүөйдээх бэлиэ сыл аһыллыыта ыытылынна. Тэрээһин быыстапкаттан саҕаланан мустубут дьоҥҥо сырдатылынна. Быйылгы сылга нэһилиэк үбүлүөйдээх тэрилтэлэрэ - С. Васильев-Борогонскай аатынан Хоноҕордооҕу сүрүн оскуола, Уус Алдан техникума, Хоноҕордооҕу “Түһүлгэ” СК коллективтара историяларын кэпсиир быыстапкаларын туруордулар, олохтоох библиотекалар  "Лена" совхоз тэриллибитэ 55 сылыгар, С.С. Васильев-Борогонскай төрөөбүтэ 115 сылыгар аналлаах быыстапкаларын туруоран сырдаттылар.

Аҕа дойдуну көмүскээччилэр күннэригэр ыытыллыбыт нэһилиэк эр дьонун ортолоругар араас көрүҥҥэ биирдиилээн уонна хамаанданан күрэхтэһии тэрээһинин чэрчитинэн педагогическай үлэ ветерана, киэҥ туттар, ытыктыыр үтүө-мааны киһибит, Учууталлар учууталлара, Суотту нэһилиэгин, Уус Алдан улууһун бочуоттаах олохтооҕо Светлана Ванифатьевна Захарова Аҕа дойдуну көмүскүүр сэриигэ Саха сирэ киллэрбит кылаатын кэпсиир, биир дойдулаахтарбыт хорсун быһыыларын сырдатар киэҥ ис хоһоонноох "Сэрии дуораана - барыбыт сүрэҕэр" тус быыстапката, 1943 с. Ильмень күөлгэ кырыктаах кыргыһыыга кыттыбыт саха буойуннарын Албан ааттарын кэриэстиир күнүгэр, биир дойдулаахпыт С.С. Васильев-Борогонскай "Ытык Ильмень" поэма-балладата суруллубута 55 сылыгар аналлаах нэһилиэк библиотекаларын фондаларыттан анал быыстапка сырдатылынна.

 

Олунньу 12 күнүгэр төрөөбүт тыл, сурук-бичик күнүн көрсө сылын аайы ыытыллар үтүө үгэскэ кубулуйбут өрөспүүбүлүкэтээҕи "Сахалыы дьыктаан" аахсыйа Zoom нөҥүө ыытылынна. Дьыктааҥҥа кыттааччылар саха норуодунай суруйааччыта Софрон Данилов "Барымаҥ даа, кубалар" романыттан тиэкиһи суруйдулар. Дьыктааны суруйуу түмүгүнэн "Бастыҥ суруксут" аат Новоприезжая О.Н. иҥэрилиннэ, "Үчүгэй суруксут" ааты Белолюбская М.В., Васильева Е.Р., Степанова Н.В. ыллылар. Дьыктаан көхтөөх кыттааччыларыгар туоһу суруктар туттарыллаллар. Тэрийээччилэргэ, бары кыттааччыларга махтал буолуохтун. Сахабыт тылын харыстыаҕыҥ, сайыннарыаҕыҥ.

Олунньу 8-14 күннэригэр
⚜️Саха АССР төрүттэммитэ 100 сылынан, ⚜️Саха Республикатын Үөрэҕин министерствота биллэрбит "Ааҕыы сылын" чэрчитинэн, ⚜️Ийэ тыл, сурук - бичик күнүн көрсө куйаар ситимин нөҥүө *"Сахалыы хоһуйабын"* оскуола алын кылааһын үөрэнээччилэригэр, уһуйаан иитиллээччилэригэр олус инитириэһинэй күрэх ыытылынна.
🔰 *Күрэҕи тэрийдилэр:* Баатаҕай, Мындааба, Арыылаах, Хоноҕор олохтоох библиотекалара
🔰 *Күрэх сыала-соруга:* оҕону кыра сааһыттан ааҕыыга уһуйуу, сахалыы дорҕоонноохтук ааҕар, саҥарар дьоҕурун сайыннарыы.
🔰 *Түмүккэ*
🔰1-2 кылаастарга:
1 м. - Дьулус Лебедев (Хоноҕор сүрүн оскуолата)
2 м. - Өркөн Егоров (Ньурба ул. Ньурбачаан сэл.), Мичил Баишев (Мүрү 2 №-дээх орто оскуолата)
3 м. - Сайыына Белолюбская (Баатаҕай орто оскуолата), Эрхан Марков (Мүрү 2 №-дээх орто оскуолата)
🔰3-4 кылаастарга:
1 м. - Родион Новоприезжай (Хоноҕор сүрүн оскуолата)
2 м. - Сандаара Колесова (Баатаҕай орто оскуолата)
3 м. - Дарина Попова (Орто Эбэ сүрүн оскуолата)
🔰Уһуйаан иитиллээччитэ Аэлита Семенова (Дьокуускай к. "Солнышко" уһуйаан) "Кэскиллээх ааҕааччы" анал ааты ылла.
Бары кыттыбыттарга туоһу сурук туттарыллыаҕа.

Күрэххэ кыттыбыт оҕолорго, кинилэр  салайааччыларыгар, төрөппүттэригэр барҕа махталбытын тиэрдэбит.
Төрөөбүт төрүт тылбытын сайыннара туруоҕуҥ, кэнчээри ыччаппытын ийэ тылбыт этигэн кэрэтигэр уһуйуоҕуҥ, саха буолан сандаарыаҕыҥ!