Информация о материале

Муус устар 5 күнүгэр Уус Алданнааҕы техникум "Повар-кондитер" бөлөҕүн 1 кууруһун устудьуоннарыгар библиотечнай уруок ыытылынна. Маастар, преподаватель Иванова Надежда Константиновна  дьиэтээҕи библиотекатыттан Саха АССР төрүттэммитэ 100 сылынан 100 кинигэ бэлэх уунан, библиотека фондатын хаҥатта. Үөрэнээччилэр библиотекарь үлэтин, библиотекаҕа сылдьыы быраабылатын, библиотека фондатын кытта билистилэр, ааҕыы киһи олоҕор суолтатын туһунан бэсиэдэ ыытылынна.

Информация о материале

Муус устар 4 күнүгэр В.В. Никифоров - Күлүмнүүр аатынан "Тойон Мүрү" Култуура дыбарыаһыгар Саха АССР 100 сылын көрсө саҥа тахсыбыт, саха бастакы интеллигенциятын төрүттээччилэр, Өрөспүүбүлүкэбит судаарыстыбаннаһа үөскүүрүгэр олук уурбут сүдү дьоммут Софрон Сыранов, Алексей Аржаков - Сэһэн Ардьакыап уонна Илья Шадрин олохторун, общественнай үлэлэрин архыып матырыйаалларыгар олоҕуран сырдатар Саха Республикатын судаарыстыбаннай мунньаҕын Ил Түмэн  ыҥырыытын бэрэссэдээтэлэ, дьокутаат А.Н. Жирков бырайыагынан, салайыытынан тахсыбыт "Предчета" кинигэ сүрэхтэниитэ ыытылынна.

Информация о материале

        Муус устар 3 күнүгэр Суоттубут нэһилиэгэр 1967 сыллаахха Суотту, Бороҕон, Өлтөх, Бэрт Ууһа уонна Курбуһах – барыта биэс нэһилиэги хабан, оройуоҥҥа бастакынан тэриллибит “Лена” совхоз үбүлүөйдээх 55 сылын көрсө «Үлэ, дьол биһигэ – “Ленабыт”, совхозпут» диэн дириҥ ис хоһоонноох дьоһун тэрээһин Суотту орто оскуолатыгар уонна Хоноҕордооҕу «Түһүлгэ» сынньалаҥ киинигэр анал программанан ыытылынна. Бу сааскы ылааҥы күн тохсунньу ыйга аанын арыйбыт саҥа оскуола тупсаҕай көстүүлээх дьиэтигэр директор СӨ үөрэхтээһинин үтүөлээх үлэһитэ Ирина Михайловна Петухова салалталаах коллектив ыалдьыттары истиҥник көрүстэ. Ол кэннэ кулууп дьиэтигэр ыҥырыылаах ыалдьыттар - совхоз биэс отделениетын араас кэмҥэ үлэлээбит ветераннара, “Оскуола – производство - үрдүк үөрэх” девиһинэн тахсыбыт выпускниктар, агитбригада бары сыллаах кыттааччылара түмсэн, үлэлээн ааспыт кэмнэрин, эдэр саастарын умнуллубат сылларын ис сүрэхтэн истиҥник ахтан-санаан, ирэ-хоро кэпсэтэн, олус истиҥ көрсүһүү киэһэтэ буолла. Тэрээһин СӨ култууратын үтүөлээх үлэһитэ Татьяна Афанасьевна Гоголева, нэһилиэк үбүлүөйдээх сылы тэрийэн ыытар анал хамыһыйата көҕүлээһиннэринэн, тэрийиилэринэн үрдүк таһымнаахтык ыытылынна.

Информация о материале

Подборка художественной литературы и периодических изданий ко Дню охотника в РС (Я) из фонда библиотеки

  1. "Уран тыл умсулҕана" тэрээһин
  2. Кинигэ киэһэтэ