Информация о материале

Автор: Super User

Алтынньы 15 күнүгэр Хоноҕор олохтоох библиотекатыгар СР Ийэ күнүн көрсө С.С. Васильев-Борогонскай аатынан Хоноҕор сүрүн оскуолатын 3, 4 кылааһын үөрэнээччилэригэр "Ийэ баар буолан" тематическай уруок ыытылынна. Оҕолорго бэлиэ күн суолтатын, ийэҕэ аналлаах өйдөбүнньүктэр, Суотту нэһилиэгин Герой Ийэлэрин, Аҕа дойду сэриитигэр уолаттарын атаарбыт Ытык ийэлэр туһунан иһитиннэрии-бэсиэдэ буолла. Оҕолор бэсиэдэ түмүгүнэн тэттик ыйытыыларга хоруйдаатылар, толкуйдатар оонньууга көхтөөхтүк кытыннылар, тиэмэнэн быыстапканы, кинигэлэри билистилэр. 

Информация о материале

Автор: Super User

Алтынньы 14 күнүгэр Хоноҕордооҕу "Чуораанчык" уһуйаан иитиллээччилэригэр анаан "Биһиги үтүө доҕорбут Винни-Пух" диэн аралдьыйыы чааһа ыытылынна. Кырачааннар Винни-Пух уонна кини доҕотторун туһунан остуоруйа хайдах суруллубутун, көрдөөх эһэчээн туһунан ойуулуктар хаһан баар буолбуттарын туһунан тэттик кэпсээни сэҥээрэн иһиттилэр, ыйытыыларга хоруйдаатылар. Маны тэҥэ толкуйдатар, хамсаныылаах тэттик  оонньууларга көхтөөхтүк кытыннылар, оҕолорго сөптөөх тиэмэнэн кинигэлэри, сурунааллары көрдүлэр, билистилэр. 

Информация о материале

Автор: Super User

Сылын ахсын алтынньы 5 күнүгэр 100-тэн тахса судаарыстыба Учуутал күнүн бэлиэтиир. Хас биирдии киһи бу күн махтанан туран, аан бастакы кыайыыларга сирдээбит, элбэх билиини биэрбит, олох муудараһын ыларга көмөлөспүт күндү учууталларын саныыр.

Учуутал хас биирдии түбүктээх үлэтин күнэ үгүс көлүөнэ ыччат дьылҕатын түстүүр аналлаах. Учуутал киһи бэйэтин талаанынан, уопутунан үөрэнээччилэрин, иитээччилэрин сүрэхтэрин сырдык уотунан саҕар. Махтанабыт учуутал үтүө санаатыгар, талан ылбыт бэриниилээх идэтигэр. 

Учуутал күнүгэр аналлаах викторинаҕа көхтөөх кыттыыны ыларгытыгар ыҥырабыт. Бу сигэнэн киир: https://onlinetestpad.com/wrvzpygcni2nw

Информация о материале

Автор: Super User

Ыам ыйын 27 күнүгэр, Бүтүн Россиятааҕы библиотекалар күннэригэр, Хоноҕор библиотекатыгар "Сила книги-2026" VIII-с регионнар икки ардыларынааҕы ааҕыыны көҕүлүүр, библиотекалар үлэлэрин өйүүр ситим акция Хоноҕор сүрүн оскуолатын үөрэнээччилэригэр анаан ыытылынна. Тэрээһиҥҥэ Суотту олохтоох модельнай библиотекатын сэбиэдиссэйэ, СР култууратын туйгуна Раиса Николаевна Черкашина олохтоох ааптар, үлэ, сыана ветерана, профтех үөрэхтээһин ветерана Серафим Данилович Федоров "Суоттум кэрэхсэнэр дьоно" кинигэтиттэн "Уһуктаах Сэмэн уонна Манчаары Баһылай" үһүйээни ааҕыытын оҕолор олус сэргээн иһиттилэр. Ол кэннэ аахпыты кэпсэтиигэ, ырытыһыыга, Суотту былыргы историятын тула сэһэргэһиигэ үөрэнээччилэр көхтөөхтүк кытыннылар👍🏻🙌🏻