- Информация о материале
- Автор: Super User
Ыам ыйын 9 күнэ - Кыайыы күнэ! Быйыл Улуу Кыайыы 77 сылын дойду үрдүнэн бэлиэтиэхпит. Күн дьыл аастаҕын аайы көҥүлбүтүн турууласпыт ытык кырдьаҕастарбыт, аҕа көлүөнэ дьоммут эйэлээх олоҕу турууласпыт хорсун быһыылара кэнчээри ыччакка үтүө холобур буолан өссө ордук суолталанан, сыаналанан иһэр. Улуу Кыайыы кэлэрин туһугар 5 сыл кэриҥэ Улуу Ильмень, Москва оборонатын, Ленинград блокадатын, Сталинград куорат, Курскай тоҕой, киэҥ нэлэмэн Украина кырыктаах кыргыһыыларыгар хорсуннук охсуспут саха чулуу буойуттарын сырдык ааттара үйэлэргэ умнуллубат!
Кыайыы 77 сылын көрсө "Ким да умнуллубат! Туох да умнуллубат!" онлайн-викторинаҕа көхтөөх кыттыыны ылыҥ диэн ыҥырабыт. Бу сыылканан киир, викторинаҕа кытыҥ: https://onlinetestpad.com/uspi6pmybnzli
- Информация о материале
- Автор: Super User
Күндү биир дойдулаахтарбыт, барыгытын Саха АССР төрүттэммитэ 100 сылынан, Өрөспүүбүлүкэбит күнүнэн ис сүрэхтэн эҕэрдэлээн туран, куйаар ситимин нөҥүө ыытыллар "Үүнэ-сайда тур, Сахам сирэ!" викторинаҕа көхтөөхтүк кыттаргытыгар ыҥырабыт.
Бу сыылканан киир, викторинаҕа кытын
:https://onlinetestpad.com/7jyzpskgkxyrc
- Информация о материале
- Автор: Super User
Муус устар 18 күнүгэр Суоттубут нэһилиэгэр Саха АССР төрүттэммитэ өрөгөйдөөх 100 сылынан Саха Өрөспүүбүлүкэтин күнүн көрсө ыытыллар декада арылынна. Декада дьаһалта баһылыгын планеркатыттан уратытык саҕаланна. Бу бэлиэ күҥҥэ Суотту нэһилиэгин тэрилтэлэрин салайааччылара, олохтоох Сэбиэт депутаттара сахалыы таҥастаах кыттыыны ыллылар.
Үөрүүлээх тэрээһиҥҥэ С.С. Васильев-Борогонскай хоһооннорун дорҕоонноохтук ааҕыы ыытылынна, Суотту модельнай библиотекатын сэбиэдиссэйэ Р.Н. Черкашина "Саха сирэ сайдыы суолунан" кинигэ быыстапкатын билиһиннэрдэ, сэбиэскэй государственнай уонна партийнай деятель, Саха Автономиятын төрүттэспит саха норуотун чаҕылхай уола М.К.Аммосов олоҕун, үлэтин тула олус интириэһинэй иһитиннэрии оҥордо. Нэһилиэк баһылыгын солбуйааччы С.И. Ксенофонтов Суотту нэһилиэгин саҥардыллыбыт геральдикатын билиһиннэрдэ. Планерка сүрүн чааһыгар Суотту нэһилиэгин баһылыга В.И. Иванов, нэһилиэк депутаттарын Сэбиэтин бэрэссэдээтэлэ В.Д. Заровняев, тэрилтэ салайааччылара эҕэрдэ тыл этэн, иһитиннэрии оҥордулар. Түмүккэ үйэлээх уопсай хаартыскаҕа түһүү буолла.
Подробнее: Нэһилиэккэ Саха Өрөспүүбүлүкэтин өрөгөйдөөх күнүгэр аналлаах декада арылынна
- Информация о материале
- Автор: Super User
"Хоноҕордооҕу "Түһүлгэ" СК республикаҕа биллэриллибит Ийэ сылын чэрчитинэн араас өрүттээх тэрээһиннэри ыытар. Ол курдук, муус устар 16 күнүгэр "Ийэҕэ үрдүк махтал!" истиҥ иһирэх киэһэ ыытылынна. Бу дьоро күн Суотту нэһилиэгин баһылыга Василий Иннокентьевич Иванов үөрүүлээх быһыыга-майгыга САССР 100 сыллаах үбүлүөйүн көрсө тахсыбыт анал бэлиэни "Илгэ" фольклорнай ансаамбыл бэтэрээннэригэр туттарда. "Түһүлгэ" СК иһинэн үлэлиир "Тэтим" үҥкүү ансаамбыла, нэһилиэкпит кэрэ куоластаах ырыаһыттара, көрдөөх-нардаах сыанкалар, фольклорнай нүөмэрдэр дохсун ытыс тыаһынан доҕуһуолланнылар.
Сыанаҕа 35 сылларын ыллыыр-туойар Улуу Кытай Пекин куоратыгар ыытыллыбыт "Жемчужина Востока", Москва куоракка ыытыллыбыт "Любимый город" Аан дойдутааҕы фестиваллар лауреаттара, Гран-При кыайыылаахтара "Илгэ" ансаамбыл кыттааччыларын ылбаҕай ырыалара-тойуктара сүргэбитин көтөхтө. Таланнаах ыччаппыт Илья Степанов ыллаан-туойан дьоро киэһэни киэргэттэ. Кэнсиэртэн киирбит үп "XXI үйэ. Саха сирин нэһилиэктэрэ: культура кииннэрэ" энциклопедияҕа үйэтитэр суруйуу тахсарыгар ананна. Маны сэргэ Хоноҕор олохтоох библиотеката туруорбут ансаамбыл историятын кэпсиир, нэһилиэк айар куттаах дьоно-сэргэтэ суруйан таһаарбыт айымньыларын көрдөрөр, Ийэ сылыгар аналлаах быыстапка мустубут дьон болҕомтотун ылла".
Хоноҕордооҕу "Түһүлгэ"СК. Муус устар 16 күнэ, 2022 с.
Страница 5 из 17
