- Информация о материале
- Автор: Super User
Кулун тутар 31 күнүгэр Суотту модельнай библиотекатыгар "Уран тыл умсулҕана" диэн бэрт интириэһинэй кэрэхсэбиллээх тэрээһин ыытылынна. Бу дьоро күн нэһилиэкпит олохтоох ааптардара - талба талааннаах уус, саха ыччата промышленноска үлэтин сырдатааччы, төрүт үгэһи тарҕатааччы Григорий Портнягин - Кыраһа Уус "Оҕо тылдьыта" диэн айгыр-силик айылҕаны сахалыы анаарар, кэнчээри ыччаты ийэ тылынан уһуйар, талба талааннаах, уран тарбахтаах Е.Я. Портнягина кэрэ уруһуйдарынан ойууламмыт тэттик тылдьыта уонна СӨ Суруйааччыларын сойууһун чилиэнэ, поэтесса, уран тыл маастара Акулина Иванова - Бээрийэ кыыһа Хотойук Айгыына "Тэпсиллибит сибэкки" дьиҥ олоххо тахсыбыт чахчыларга олоҕуран суруллубут киһи уйулҕатын хамсатар кэпсээннэрин хомуурунньуга сүрэхтэннилэр. Айар киэһэни Суотту модельнай библиотекатын сэбиэдиссэйэ Р.Н. Черкашина иилээн-саҕалаан ыытта, саҥа кинигэлэри олус интириэһинэйдик ырытан, мустубут дьон болҕомтотун тарта. Маны таһынан 2020, 2021 сс. бэчээттэнэн тахсыбыт нэһилиэк историятын кэрэһэлиир кинигэлэри, олохтоох ааптардар айымньыларын билиһиннэрдэ. Салгыы Е.К. Местникова, А.Е. Степанова - Тускулаана, Г.Г. Портнягин, А.М. Иванова - Хотойук Айгыына сааһы хоһуйар хоһоонноро ааҕылыннылар, "Айар-тутар Суотту дьоно" олохтоох библиотекалар туруорбут анал быыстапкалара сырдатылынна. Кэлбит ыалдьыттар сахалыы сиэринэн арыылаах алаадьыны амсайан, "баҕа санаа" саламатын баайан, тэрээһин үөрүүлээх чааһа түмүктэннэ. Тэрээһин иккис чааһыгар сүрэхтэнэр кинигэлэри ырытар, ааҕааччы санаатын үллэстэр истиҥ кэпсэтии, сэргэх сэһэргэһии, санаа атастаһыыта ыытылынна. Ааптардар кинигэлэрин туһунан тус санааларын эттилэр, мустубут дьон сыанабылларын биэрдилэр, баҕа санааларын, биһирэбил, махтал тылларын анаатылар.
Сахабыт тыла симэлийбэтин, айар үлэҕит аартыга алгыстаах буоллун, инникитин да кэрэхсэбиллээх, кэскиллээх айымньылар, суруйуулар айылла, сурулла турдуннар!
- Информация о материале
- Автор: Super User
Б И Л Л Э Р И И
📚 🌿📚🌿📚🌿📚🌿
*Кулун тутар 31 күнүгэр 15.00 ч.*
Суотту модельнай библиотеката.
Суотту нэһилиэгин олохтоох автордара 2021 с. таһаартарбыт кинигэлэринэн *"Уран тыл умсулҕана"* литература күнүгэр олохтоохтору ыҥырар.
Программаҕа:
*Григорий Портнягин- Кыраһа Уус "Оҕо тылдьыта"*
*Акулина Иванова - Бээрийэ Кыыһа Хотойук Айгыына "Тэпсиллибит сибэкки"* кинигэлэр сүрэхтэниилэрэ.
Кинигэлэри ырытыы, ааҕааччы санаатын үллэстиитэ.
Маны таһынан
- 2020 с. бэчээттэнэн тахсыбыт үлэ, сцена бэтэрээнэ, сэрии кэмин оҕото Мария Павловна Новоприезжая олорон ааспыт үтүө олоҕун сырдатар "Удьуору утумнуур ситимнэр" ахтыы-кинигэни,
- 2021 с.күн сирин көрбүт:
Е.К. Местникова "Сахалыы саҥарар буоллахха";
И.П. Попов Оҕуруоттаах "Олох тыйыскын, кэрэҕин даҕаны";
Суотту орто оскуолата таһаартарбыт "Ахтар-саныыр оскуолам";
"Соттинский детский дом" кинигэлэри билиһиннэрии.
📖🖋️📖🖋️📖🖋️📖🖋️
- Информация о материале
- Автор: Super User
Кулун тутар 29 күнүгэр, улууспут киинигэр ыытыллыбыт "Стратегия развития библиотечного дела в РС (Я) на период до 2030 года" республика государственнай уонна муниципальнай библиотекаларын директордарын сүбэ мунньаҕын кыттыылаахтарын, күндү ыалдьыттары солко күөх оттоох Суоттубут сиригэр - киэҥ туттар биир дойдулаахпыт, бөдөҥ общественнай деятель, талааннаах поэт С.С. Васильев-Борогонскайга аналлаах өйдөбүнньүк сквергэ саха сиэринэн, өбүгэ үгэһинэн көрсөр үөрүүлээх тэттик тэрээһин ытылынна.
- Информация о материале
- Автор: Super User
Знакомьтесь, с новыми книгами, поступившими в фонд библиотеки.
1. Егор Афанасьевич Борисов: документы и фотографии / составители: Э.Т. Пономарев, Т.О. Едисеева, М.Д. Колодезникова [и др.]; руководитель проекта И.М. Андросов, редакционная коллегия: А.Р. Романов, Т.О. Едисеева, В.В. Гуляев и [и др.]; ответственный редактор, перевод на русск. яз. Э.Т. Пономарев; использованы фотографии: П.С. Оконешникова, В. П. Яковлева, М.С. Васильевой [и др.]. - Якутск: Алаас, 2019. - 320 с.
Страница 9 из 17
