- Информация о материале
- Автор: Super User
Муус устар 4 күнүгэр В.В. Никифоров - Күлүмнүүр аатынан "Тойон Мүрү" Култуура дыбарыаһыгар Саха АССР 100 сылын көрсө саҥа тахсыбыт, саха бастакы интеллигенциятын төрүттээччилэр, Өрөспүүбүлүкэбит судаарыстыбаннаһа үөскүүрүгэр олук уурбут сүдү дьоммут Софрон Сыранов, Алексей Аржаков - Сэһэн Ардьакыап уонна Илья Шадрин олохторун, общественнай үлэлэрин архыып матырыйаалларыгар олоҕуран сырдатар Саха Республикатын судаарыстыбаннай мунньаҕын Ил Түмэн ыҥырыытын бэрэссэдээтэлэ, дьокутаат А.Н. Жирков бырайыагынан, салайыытынан тахсыбыт "Предчета" кинигэ сүрэхтэниитэ ыытылынна.
- Информация о материале
- Автор: Super User
Муус устар 3 күнүгэр Суоттубут нэһилиэгэр 1967 сыллаахха Суотту, Бороҕон, Өлтөх, Бэрт Ууһа уонна Курбуһах – барыта биэс нэһилиэги хабан, оройуоҥҥа бастакынан тэриллибит “Лена” совхоз үбүлүөйдээх 55 сылын көрсө «Үлэ, дьол биһигэ – “Ленабыт”, совхозпут» диэн дириҥ ис хоһоонноох дьоһун тэрээһин Суотту орто оскуолатыгар уонна Хоноҕордооҕу «Түһүлгэ» сынньалаҥ киинигэр анал программанан ыытылынна. Бу сааскы ылааҥы күн тохсунньу ыйга аанын арыйбыт саҥа оскуола тупсаҕай көстүүлээх дьиэтигэр директор СӨ үөрэхтээһинин үтүөлээх үлэһитэ Ирина Михайловна Петухова салалталаах коллектив ыалдьыттары истиҥник көрүстэ. Ол кэннэ кулууп дьиэтигэр ыҥырыылаах ыалдьыттар - совхоз биэс отделениетын араас кэмҥэ үлэлээбит ветераннара, “Оскуола – производство - үрдүк үөрэх” девиһинэн тахсыбыт выпускниктар, агитбригада бары сыллаах кыттааччылара түмсэн, үлэлээн ааспыт кэмнэрин, эдэр саастарын умнуллубат сылларын ис сүрэхтэн истиҥник ахтан-санаан, ирэ-хоро кэпсэтэн, олус истиҥ көрсүһүү киэһэтэ буолла. Тэрээһин СӨ култууратын үтүөлээх үлэһитэ Татьяна Афанасьевна Гоголева, нэһилиэк үбүлүөйдээх сылы тэрийэн ыытар анал хамыһыйата көҕүлээһиннэринэн, тэрийиилэринэн үрдүк таһымнаахтык ыытылынна.
- Информация о материале
- Автор: Super User
Подборка художественной литературы и периодических изданий ко Дню охотника в РС (Я) из фонда библиотеки
- Информация о материале
- Автор: Super User
Кулун тутар 31 күнүгэр Суотту модельнай библиотекатыгар "Уран тыл умсулҕана" диэн бэрт интириэһинэй кэрэхсэбиллээх тэрээһин ыытылынна. Бу дьоро күн нэһилиэкпит олохтоох ааптардара - талба талааннаах уус, саха ыччата промышленноска үлэтин сырдатааччы, төрүт үгэһи тарҕатааччы Григорий Портнягин - Кыраһа Уус "Оҕо тылдьыта" диэн айгыр-силик айылҕаны сахалыы анаарар, кэнчээри ыччаты ийэ тылынан уһуйар, талба талааннаах, уран тарбахтаах Е.Я. Портнягина кэрэ уруһуйдарынан ойууламмыт тэттик тылдьыта уонна СӨ Суруйааччыларын сойууһун чилиэнэ, поэтесса, уран тыл маастара Акулина Иванова - Бээрийэ кыыһа Хотойук Айгыына "Тэпсиллибит сибэкки" дьиҥ олоххо тахсыбыт чахчыларга олоҕуран суруллубут киһи уйулҕатын хамсатар кэпсээннэрин хомуурунньуга сүрэхтэннилэр. Айар киэһэни Суотту модельнай библиотекатын сэбиэдиссэйэ Р.Н. Черкашина иилээн-саҕалаан ыытта, саҥа кинигэлэри олус интириэһинэйдик ырытан, мустубут дьон болҕомтотун тарта. Маны таһынан 2020, 2021 сс. бэчээттэнэн тахсыбыт нэһилиэк историятын кэрэһэлиир кинигэлэри, олохтоох ааптардар айымньыларын билиһиннэрдэ. Салгыы Е.К. Местникова, А.Е. Степанова - Тускулаана, Г.Г. Портнягин, А.М. Иванова - Хотойук Айгыына сааһы хоһуйар хоһоонноро ааҕылыннылар, "Айар-тутар Суотту дьоно" олохтоох библиотекалар туруорбут анал быыстапкалара сырдатылынна. Кэлбит ыалдьыттар сахалыы сиэринэн арыылаах алаадьыны амсайан, "баҕа санаа" саламатын баайан, тэрээһин үөрүүлээх чааһа түмүктэннэ. Тэрээһин иккис чааһыгар сүрэхтэнэр кинигэлэри ырытар, ааҕааччы санаатын үллэстэр истиҥ кэпсэтии, сэргэх сэһэргэһии, санаа атастаһыыта ыытылынна. Ааптардар кинигэлэрин туһунан тус санааларын эттилэр, мустубут дьон сыанабылларын биэрдилэр, баҕа санааларын, биһирэбил, махтал тылларын анаатылар.
Сахабыт тыла симэлийбэтин, айар үлэҕит аартыга алгыстаах буоллун, инникитин да кэрэхсэбиллээх, кэскиллээх айымньылар, суруйуулар айылла, сурулла турдуннар!
Страница 8 из 17
