18 марта в библиотеке проведен урок для учащихся 3 класса Хоногорской основной школы им. С.С. Васильева по теме "История родного наслега", приуроченный к юбилейным датам в наслеге - к 115-летию со дня рождения поэта, видного общественного деятеля С.С. Васильева-Борогонского и к 130-летию основания первой школы Соттинского наслега (ныне Хоногорской ООШ). Проведена беседа и обзор соответствующей литературы. 

Кулун тутар 11 күнүгэр В.В. Никифоров-Күлүмнүүр аатынан Култуура дыбарыаһыгар улуустааҕы Киин библиотека ааҕар саалатыгар олус истиҥ-иһирэх тэрээһин, Саха сирин суруйааччыларын Сойууһун бэрэссэдээтэлэ, Саха норуодунай поэта, РФ культуратын үтүөлээх үлэһитэ Наталья Ивановна Харлампьеваны кытта көрсүһэр бэлиэ түгэн, сэргэх сэһэргэһии буолан ааста. Бу айымньылаах күҥҥэ улуус култууратын салалтатын начальнига Иннокентий Иннокентьевич Аммосов, биир дойдулаахпыт, суруйааччы, "Чолбон" сурунаал бас эрэдээктэрин солбуйааччы Данил Николаевич Макеев, Уус-Алдан улууһун "Уһуктуу" айар түмсүүтүн кыттыылаахтара, улуус олохтоох ааптардара, суруйааччылара, поэзияны, Наталья Ивановна айар үлэтин сэҥээрээччилэр кыттыыны ыллылар. 

     

Кулун тутар 4 күнүгэр  Хоноҕордооҕу "Түһүлгэ" СК, Cуоттутааҕы “Мичээр” СК тэрийиилэринэн нэһилиэккэ үбүлүөйдээх бэлиэ сыл аһыллыыта ыытылынна. Тэрээһин быыстапкаттан саҕаланан мустубут дьоҥҥо сырдатылынна. Быйылгы сылга нэһилиэк үбүлүөйдээх тэрилтэлэрэ - С. Васильев-Борогонскай аатынан Хоноҕордооҕу сүрүн оскуола, Уус Алдан техникума, Хоноҕордооҕу “Түһүлгэ” СК коллективтара историяларын кэпсиир быыстапкаларын туруордулар, олохтоох библиотекалар  "Лена" совхоз тэриллибитэ 55 сылыгар, С.С. Васильев-Борогонскай төрөөбүтэ 115 сылыгар аналлаах быыстапкаларын туруоран сырдаттылар.

Аҕа дойдуну көмүскээччилэр күннэригэр ыытыллыбыт нэһилиэк эр дьонун ортолоругар араас көрүҥҥэ биирдиилээн уонна хамаанданан күрэхтэһии тэрээһинин чэрчитинэн педагогическай үлэ ветерана, киэҥ туттар, ытыктыыр үтүө-мааны киһибит, Учууталлар учууталлара, Суотту нэһилиэгин, Уус Алдан улууһун бочуоттаах олохтооҕо Светлана Ванифатьевна Захарова Аҕа дойдуну көмүскүүр сэриигэ Саха сирэ киллэрбит кылаатын кэпсиир, биир дойдулаахтарбыт хорсун быһыыларын сырдатар киэҥ ис хоһоонноох "Сэрии дуораана - барыбыт сүрэҕэр" тус быыстапката, 1943 с. Ильмень күөлгэ кырыктаах кыргыһыыга кыттыбыт саха буойуннарын Албан ааттарын кэриэстиир күнүгэр, биир дойдулаахпыт С.С. Васильев-Борогонскай "Ытык Ильмень" поэма-балладата суруллубута 55 сылыгар аналлаах нэһилиэк библиотекаларын фондаларыттан анал быыстапка сырдатылынна.