Киэҥ туттар биир дойдулаахпыт, талааннаах бэйиэт, публицист, очеркист, П.А. Ойуунускай аатынан Судаарыстыбаннай бириэмийэ лауреата, бөдөҥ уопсастыбаннай диэйэтэл С.С. Васильев-Борогонскай төрөөбүтэ 115 сылыгар аналлаах "Үйэлэри үрдүнэн хардыылыыр аналлаах" куйаар ситимин нөҥүө ыытыллар викторинаҕа бу сигэнэн киирэн көхтөөх кыттыыны ыларгытыгар ыҥырабыт:

https://onlinetestpad.com/vd5z6hpodlubg

Ыам ыйын 9 күнэ - Кыайыы күнэ! Быйыл Улуу Кыайыы 77 сылын дойду үрдүнэн бэлиэтиэхпит. Күн дьыл аастаҕын аайы көҥүлбүтүн турууласпыт ытык кырдьаҕастарбыт, аҕа көлүөнэ дьоммут эйэлээх олоҕу турууласпыт хорсун быһыылара кэнчээри ыччакка үтүө холобур буолан өссө ордук суолталанан, сыаналанан иһэр. Улуу Кыайыы кэлэрин туһугар 5 сыл кэриҥэ Улуу Ильмень, Москва оборонатын, Ленинград блокадатын, Сталинград куорат, Курскай тоҕой, киэҥ нэлэмэн Украина кырыктаах кыргыһыыларыгар хорсуннук охсуспут саха чулуу буойуттарын сырдык ааттара үйэлэргэ умнуллубат!

Кыайыы 77 сылын көрсө "Ким да умнуллубат! Туох да умнуллубат!" онлайн-викторинаҕа көхтөөх кыттыыны ылыҥ диэн ыҥырабыт. Бу сыылканан киир, викторинаҕа кытыҥ: https://onlinetestpad.com/uspi6pmybnzli 

 

 

Күндү биир дойдулаахтарбыт, барыгытын Саха АССР төрүттэммитэ 100 сылынан, Өрөспүүбүлүкэбит күнүнэн ис сүрэхтэн эҕэрдэлээн туран, куйаар ситимин нөҥүө ыытыллар "Үүнэ-сайда тур, Сахам сирэ!" викторинаҕа көхтөөхтүк кыттаргытыгар ыҥырабыт.

Бу сыылканан киир, викторинаҕа кытынsmile:https://onlinetestpad.com/7jyzpskgkxyrc

 

 

 

 

Муус устар 18 күнүгэр Суоттубут нэһилиэгэр Саха АССР төрүттэммитэ өрөгөйдөөх 100 сылынан Саха Өрөспүүбүлүкэтин күнүн көрсө ыытыллар декада арылынна. Декада дьаһалта баһылыгын планеркатыттан уратытык саҕаланна. Бу бэлиэ күҥҥэ Суотту нэһилиэгин тэрилтэлэрин салайааччылара, олохтоох Сэбиэт депутаттара сахалыы таҥастаах кыттыыны ыллылар.
Үөрүүлээх тэрээһиҥҥэ С.С. Васильев-Борогонскай хоһооннорун дорҕоонноохтук ааҕыы ыытылынна, Суотту модельнай библиотекатын сэбиэдиссэйэ Р.Н. Черкашина "Саха сирэ сайдыы суолунан" кинигэ быыстапкатын билиһиннэрдэ, сэбиэскэй государственнай уонна партийнай деятель, Саха Автономиятын төрүттэспит саха норуотун чаҕылхай уола М.К.Аммосов олоҕун, үлэтин тула олус интириэһинэй иһитиннэрии оҥордо. Нэһилиэк баһылыгын солбуйааччы С.И. Ксенофонтов Суотту нэһилиэгин саҥардыллыбыт геральдикатын билиһиннэрдэ. Планерка сүрүн чааһыгар Суотту нэһилиэгин баһылыга В.И. Иванов, нэһилиэк депутаттарын Сэбиэтин бэрэссэдээтэлэ В.Д. Заровняев, тэрилтэ салайааччылара эҕэрдэ тыл этэн, иһитиннэрии оҥордулар. Түмүккэ үйэлээх уопсай хаартыскаҕа түһүү буолла.