Бүгүн, алтынньы 22 күнүгэр, Хоноҕордооҕу «Түһүлгэ» СК улуустааҕы Ийэ уонна Аҕа күннэригэр аналлаах декада чэрчитинэн «Сүрэххэ сырдыгы саҕан» истиҥ тэрээһин ыытылынна. Манна «Ийэ баар буолан» Суотту нэһилиэгин Герой Ийэлэрин сырдатар быыстапка, «Мин аҕабынаан» нэһилиэк элбэх оҕолоох аҕаларын көрдөрөр хаартыска быыстапката, Ийэ, Аҕа күннэрин, Ийэҕэ аналлаах өйдөбүнньүктэр, ийэ аатын үйэтитэр улуус кэрэ-бэлиэ сирдэрин, Герой ийэлэр туһунан иһитиннэрии-бэсиэдэ ыытылынна, истиҥ эҕэрдэлэр этилиннилэр, Виталий Андросов 75 үбүлүөйдээх сылынан кини ырыаларынан музыкальнай оонньуу буолла.Сынньалаҥ бэлиэ киэһэҕэ сахалыы сандалы тула олорон сэһэргэһэн, ирэ-хоро кэпсэтэн, тэрээһиҥҥэ көхтөөх кыттыыны ылбыт күн күбэй ийэлэргэ, эйэҕэс эбээлэргэ барҕа махтал буолуохтун🙌
