Муус устар 11 күнүгэр Национальнай библиотека историческай саалатыгар Мүрү Эбэ аата аан бастаан сурукка-бичиккэ киирбитэ 355, Бороҕон улууһугар үөрэхтээһин саҕаламмыта 250, Саха АССР тэриллибитэ 100 сылларын, Мүрүгэ Саха сирин норуоттарын VIII спортивнай оонньууларын көрсө Мүрү Эбэ түҥ былыргы олоҕуттан билиҥҥи кэмҥэ диэри кэпсиир "Мүрүйээдэ" кинигэ сүрэхтэниитэ буолла. Ытык Мүрү Эбэ туһунан былыргы түүр омуктар руна суруктарыттан саҕалаан сэһэннэргэ, кэпсээннэргэ, үһүйээннэргэ, номохторго, элбэх архыып докумуоннарыгар олоҕуран суруллубут кинигэни ырытыыга кытыннылар улуус аҕа баһылыга А.В. Федотов, историческай наука кандидата А.А. Николаев, Национальнай архыып директора П.В. Румянцев, педагогическай наука доктора Е.П. Жирков, наруодунай поэт И.В. Мигалкин уонна да атыттар. "Мүрүйээдэ" научнай-популярнай кинигэ киэҥ ааҕаачыга, дойдубут историятын үөрэтээччилэргэ, үүнэр көлүөнэҕэ ананар.